يمكن النهاردة بالذات قررت انى اتكلم عربى وكالعادة عندى اسبابى الخاصه
ولانى هتكلم عن البرمجيات المفتوحه فمفيش اسرار
اول سبب انى اتكلم عربى هو انى بحب لغتى جدا والسبب التانى هو ان الموضوع مش محتاج اى لخبطه فالترجمه
مش هضيع وقت تانى وهبتدى
عمرك سمعت عن كلمه البرمجيات مفتوحه المصدر او
Open source
لو كانت اجابتك بلا فانت جيت للمكان الصح
البرمجيات مفتوحه المصدر واصحه اوى من اسمها وهيا بقمه البساطه ان الكود الخاص بها موجود وتقدر تعدل فيه وتعمل كل اللى نفسك فيه
ايه ازاى يعنى انا ممكن اخد كود برنامج واعدل فيه زى ما انا عايز واوعه على الناس عادى كدة طب اللى عمل كدة استفاد ايه تعب وخلاص يعنى
هقولك هوا متعبش وخلاص هوا تعب علشان انت وغيرك ترتاح
اكيد مش مقتنع بكلامى لانى فاول الامر كنت معتقد ان الناس بتوع البرمجيات مفتوحه المصدر دول مجانين
هما مش مجانيني ولا حاجة هما بس لقوا ان فيه شركات كتير محتكره السوق وطبعا دى شركات عامليه ومفيش داعى لذكر اسماء
الناس دى فعلا بتتعب لحد متكتب برنامج كبيير وفى النهايه بتديلك الكود تشتغل بيه تغير فيه براحتك لانك لما هتغير فالبرنامج دة وتعمل حاجة احسن او تزود حاجة اكيد مش من حقك ساعتها انك تاخد البرنامج ةتبيعه على انك انت صاحب الفكرة وهيا دى اللى بيسموها رخصه جى بى ال
اكيد معلومتى وضحت
حاجة كمان عايز اقولها
تعرف ان البرمجيات مفتوحه المصدر اكتر مما تتخيل وانك ممكن تكون بتستخدم منها حاجات كتير وانت مش واخد بالك
فايرفوكس مثلا ولو انت بتبرمج جافا فانت اكيد بتستخدم نتبينز
تقريبا مفيش برنامج انت بتستخدمه الا وهتلاقى له مشابه وله امتيازات كمان عن اللى بتستخدمه بس لازم ندور
انا مش هطول كفايه كدة ونتقابل فالحلقه اللى جايه مع كيف ابدا فى التغيير للبرمجيات مفتوحه المصدر
البرمجيات مفتوحه المصدر ... بدايه الطريق
Posted by mohamed Ibrahim Gaber Labels: GNU, linux, open source
Subscribe to:
Post Comments (Atom)
1 comments:
بالنيابة عن
Project iCIT
أحييكم على المجهود الرائع ومنتظرين نشوف كل جديد عندكم
وبإذن الله متابعين معاكم في اللينوكس وكل ما هو مفيد
تفضلوا بزيارتنا
http://icitp.co.cc
Post a Comment